Amakuru atangwa n’ikinyamakuru Freie Presse cyo mu gihugu cy’Ubudage, uyu mugabo ngo amaze gufata doze 87 z’urukingo rwa covid-19 kuva ubwo yafataga urwa mbere muri Nyakanga 2021. Iki kinyamakuru kivuga ko uyu mugabo wari umaze kuba inararibonye mu guca mu rihumye abaganga ngo hari nubwo yajyaga afata doze eshatu z’urukingo ku munsi.


Kugira ngo rero uyu mugabo aze kuzamenyekana bivugwa ko byatewe n’umwe mu baforomo bakorera aho bakingirira wamubonye yakomeje gusirisimba ashaka uburyo yahabwa urundi rukingo. Nyuma yo kumukoraho iperereza yaje gusanga uyu mugabo ngo yari amaze gukingirwa inshuro nyinshi, ariko ngo buri gihe agahindura ibimuranga, agakoresha ibindi by’ibikorano.

Nyuma yo kumugenzura, umuryango utabara imbabare Croix Rouge ukorera mu mujyi wa Saxe watangaje ko uyu mugabo ashobra kuba afite ikibazo cy’uburwayi bwo mu mutwe. Kugeza ubu, uyu mugabo amazina ye atigeze atangazwa ngo ari gukurikiranwa n’abaganga ngo harebwe niba izi nkingo nta zindi ngaruka zaba zaragize ku buzima bwe.

admin

Ibyerekeye Umwanditsi

Izindi nkuru yanditse

Uku niko guhindurirwa ubuzima naho ibindi ni amashyengo: Amagambo y’umugabo wahawe insimburangingo ku gitsina ngo ajye abasha gutera akabariro

Umudepite wo muri Leta Zunze Ubumwe z’Amerika yamaganiye kure abifuza ko Paul Rusesabagina wahamwe n’ibyaha by’iterabwoba yarekurwa

Ndarangisha icyangombwa cyubutaka cyarakaye 12/03/2022 Nyabugogo, i Kigali

Reba inkuru zose ze