Yanditse kuri Twitter agaragaza ko ari mu Rwanda ndetse mu minsi iri imbere azatangaza byinshi kuri uyu mushinga we ujyanye n’ibidukikije. Ati “Nagarutse mu Rwanda nje gukora ku mushinga mugari ujyanye n’ibidukikije. Nzababwira byinshi mu minsi mike iri imbere.

Sonia Rolland asanzwe afite imishinga akorera mu Rwanda abinyujije mu muryango yise ‘Maisha Africa’, umaze imyaka isaga 20 ushinzwe.


Uyu muryango ufasha abana b’imfubyi za Jenoside batishoboye, ubaha amafaranga y’ishuri, ibikoresho byo mu rugo, wubakira abadafite inzu batahamo, wubaka ibigo by’amashuri, ibitaro n’ibikorwa bigamije kuzamura umwana w’Umunyarwanda.


Mu 2018 ubwo yizihizaga imyaka 17 wari umaze utangiye hakusanyijwe inkunga yo kugura ibikoresho byo kwifashisha muri serivisi yita ku bana bakivuka (néonatologie) mu bitaro bya Ruhengeri.
Sonia Rolland icyo gihe yatangaje ko babashije gukusanya amayero asaga ibihumbi 125, ahwanye na miliyoni zirenga 125 z’amafaranga y’u Rwanda.

Mu mpera za 2018, Sonia Rolland kandi yatashye ibibuga bya Basketball na Volleyball yubakiye abana barererwa kwa Gisimba mu Mujyi wa Kigali byatwaye asaga miliyoni 20 Frw.
Mu 2020 abinyujije muri Maisha Africa yahaye Ibitaro bya Ruhengeri inkunga y’ibikoresho bifite agaciro ka miliyoni zisaga 69 Frw.

admin

Ibyerekeye Umwanditsi

Izindi nkuru yanditse

Uku niko guhindurirwa ubuzima naho ibindi ni amashyengo: Amagambo y’umugabo wahawe insimburangingo ku gitsina ngo ajye abasha gutera akabariro

Umudepite wo muri Leta Zunze Ubumwe z’Amerika yamaganiye kure abifuza ko Paul Rusesabagina wahamwe n’ibyaha by’iterabwoba yarekurwa

Ndarangisha icyangombwa cyubutaka cyarakaye 12/03/2022 Nyabugogo, i Kigali

Reba inkuru zose ze