Kuri uyu wa 11 Werurwe 2025, Umunyamabanga Nshingwabikorwa w’Umurenge wa Muhoza Bwana NTAMBARA Alain yagiriye uruzinduko mu ishuri rya ITB RUHENGERI TSS ribarizwa muri uyu murenge wa Muhoza.

Bwana NTAMBARA Alain, umuyobozi w’Umurenge wa Muhoza yagiranye ibiganiro n’ubuyobozi bw’ishuri, abarimu n’abandi bakozi, ibyo biganiro bikaba byibanze cyane ku ngingo ebyiri z’ingenzi.

Ingingo ya mbere yari ukurebera hamwe uruhare rw’abarezi mu kurushaho kunoza imyitwarire (discipline) y’abanyeshuri ba ITB RUHENGERI TSS, bityo ishuri rigakomeza kugira ishusho nziza, haba ku rwego rw’Umurenge ndetse no ku rwego rw’Akarere.

Mu ngingo ya kabiri, Umunyabanga Nshingwabikorwa w’Umurenge wa Muhoza yagarutse ku byiza bya EJO HEZA, anasaba abarezi kugira uruhare mu gufasha abanyeshuri mu gukoresha iyi gahunda. Ku ruhande rw’ubuyobozi bw’ishuri ndetse n’abarimu, biyemeje kugira uruhare mu bukangurambaga bwa EJO HEZA, haba ku banyeshuri ndetse no ku babyeyi batari basobanukirwa neza iby’iyi gahunda.

Bwana NTAMBARA Alain, Umunyamabanga Nshingwabikorwa w’Umurenge wa Muhoza yanagiranye ikiganiro n’abanyeshuri ba ITB RUHENGERI TSS.

Ikiganiro n’abanyeshuri cyagarutse ku myitwarire, anabasobanurira EJO HEZA ku buryo bwimbitse, aho yibanze ku kamaro k’umuco wo kwizigamira ndetse n’icyo EJO HEZA izabafasha mu bihe biri imbere.

Bwana NTAMBARA Alain kandi yakomoje ku bijyanye no gucikiriza amashuri (school dropout), asobanura ko gahunda ya Leta y’u Rwanda mu burezi itifuza ko hagira umwana n’umwe utakaza amahirwe yo kwiga ngo ntarangize amashuri.

Mu gusoza uru ruzinduko yagiriye muri ITB RUHENGERI TSS, Umunyamabanga Nshingwabikorwa w’Umurenge wa Muhoza yasabye ubuyobozi bw’ishuri, abarimu n’abanyeshuri gukomeza gukunda igihugu no gukomera ku ndangagaciro y’Umunyarwanda.

admin

Ibyerekeye Umwanditsi

Izindi nkuru yanditse

Uku niko guhindurirwa ubuzima naho ibindi ni amashyengo: Amagambo y’umugabo wahawe insimburangingo ku gitsina ngo ajye abasha gutera akabariro

Umudepite wo muri Leta Zunze Ubumwe z’Amerika yamaganiye kure abifuza ko Paul Rusesabagina wahamwe n’ibyaha by’iterabwoba yarekurwa

Ndarangisha icyangombwa cyubutaka cyarakaye 12/03/2022 Nyabugogo, i Kigali

Reba inkuru zose ze