Itsinda rigizwe n’abasirikare bakuru 19 bo mu ishuri The Royal Collage of Defense Studies (RCDS) ryo mu Bwongereza ryasuye ikigo cy’Amahoro (Rwanda Peace Academy) giherereye I Nyakinama mu karere ka Musanze.

Ni urugendo rwabaye kuri uyu wa 16 Gicurasi 2024, aho iri tsinda ryari riyobowe na Lt Gen (Rtd) George Norton uyobora iri shuri.

Mu ntego z’uru rugendo harimo kwiga ku kamaro n’imikorere y’iki kigo harimo inshingano  gifite zo gutanga amasomo ndetse n’amahugurwa bigamije kugarura amahoro mu gace.

Umuyobozi w’amasomo muri RPA Lt Col Innocent Nkubana yatanze ikiganiro kuri iri tsinda ryaturutse muri The Royal College of Defense Studies

Iri tsinda ryasobanuriwe impamvu z’ishingwa ry’iki kigo, intego n’intumbero, amasomo gitanga, ibikorwa byacyo ndetse n’ibyo cyagezeho.

The Royal College of Defense studies ni ishuri ry’abayobozi mu nzego za gisirikare mu Bwongereza, rikaba ryigisha abasirikare bakuru bo mu gisirikare cy’iki gihugu (British Armed Forces),  ibijyanye na Serivisi z’inzego z’ibanze, iz’ubuyobozi, umutekano mpuzamahanga ndete n’ubwirinzi bw’imbere mu gihugu.

Intego z’iri shuri ni uguteza imbere cyangwa kurema abayobozi bafite imitekerere iboneye kandi bari ku rwego rwo kuba batanga umusaruro haba imbere mu gihugu ndetse no ku rwego mpuzamahanga.

Uhereye ibumoso, hari Lt Gen (Rtd) George Norton uyobora iri shuri ryo mu Bwongereza

Lt Col Innocent Nkubana yosobanuriye itsinda ryo muri iri shuri ryo mu Bwongereza imikorere ya Rwanda Peace Academy

Lt Gen (Rtd) George Norton yasinye mu gitabo cy’abashyitsi

Umuyobozi w’amasomo muri RPA Lt Col Innocent Nkubana yakiriye itsinda riyobowe na Lt Gen (Rtd) George Norton uyobora ishuri rya gisirikare, The Royal College of Defense Studies ryo mu Bwongereza

Umuyobozi w’amasomo muri RPA, Lt Col Innocent Nkubana yashikirije impano mugenzi we Lt Gen (Rtd) George Norton waje ayoboye itsinda

titithierry421

Ibyerekeye Umwanditsi

Izindi nkuru yanditse

Ubwato bwari butwaye abakabakaba 200 bwarohamye mu Kivu ku ruhande rwa Congo

Minisiter of Happiness yashinje umunyamakuru Anne Marie Niwemwiza guhubuka

Umuhanzi Valens NIZEYIMANA yasohoye indirimo ye ya mbere yise “Ni Mwiza” aho agaragaza ko yahuye n’Imana

Reba inkuru zose ze