Uyu muherwe ufite inkomoko mu gihugu cya Afrika y’Epfo yaguze imigabane irenga gato miliyoni 73, ikaba ifite agaciro ka miliyari ebyri na miliyoni Magana atandatu z’amadorali y’Amerika. Ibi kandi byanatumye Elon Musk aba afite 9.2% bya sosiyete ya Twitter, aho akubye inshuro enye Jack Dorsey washinze kandi wanahoze ayobora (CEO) iyi sosiyete ya Twitter.

Musk ubwe asanzwe akoresha cyane uru rubuga rwa Twitter, ariko akaba atavuga rumwe n’ubuyobozi bwarwo ku bijyanye no guha abantu uburenganzira bakandika ibyo bashaka ku nkuta zabo. Mu kwezi kwa Gashyantare 2022, uyu mugabo yari yanditse kuri Twitter abaza impamvu abantu badahabwa uburenganzira bwo kwandika ibyo bashaka byose, anavuga ko ashobora kuzakora urubuga rwe, aho umuntu azaba yemerewe kwandika ibyo yifuza.

Mu kwezi gushize kandi, Musk yari yasabye umucamanza ko yaburizamo icyemezo cy’urukiko cyamufatiwe muri 2018, aho Elon Musk iyo ashaka kugira icyo yandika kuri Twitter bisaba ko undi muntu abanza kubisuzuma akaza kubyemeza nyuma.

admin

Ibyerekeye Umwanditsi

Izindi nkuru yanditse

Uku niko guhindurirwa ubuzima naho ibindi ni amashyengo: Amagambo y’umugabo wahawe insimburangingo ku gitsina ngo ajye abasha gutera akabariro

Umudepite wo muri Leta Zunze Ubumwe z’Amerika yamaganiye kure abifuza ko Paul Rusesabagina wahamwe n’ibyaha by’iterabwoba yarekurwa

Ndarangisha icyangombwa cyubutaka cyarakaye 12/03/2022 Nyabugogo, i Kigali

Reba inkuru zose ze