Rutahizamu wa Bugesera FC Ani Elijah ni umwe mu bakinnyi bitabiriye umwiherero w’Ikipe y’Igihugu ‘Amavubi’ yitegura imikino ibiri ya Bénin na Lesotho.

Mu gitondo cyo kuri uyu wa 20 Gicurasi ni bwo bamwe mu bakinnyi bahamagawe mu Ikipe y’Igihugu bageze ku biro by’Ishyirahamwe rya Ruhago mu Rwanda (FERWAFA).

Abakinnyi bose barahita berekeza mu Karere ka Bugesera, aho bagomba kubana mu gihe bategura imikino yo gushaka itike yo kujya mu Gikombe cy’Isi cya 2026.

Mu bakinnyi bahageze mbere harimo Umunya-Nigeria, Ani Elijah ukinira Bugesera FC ndetse akaba atari mu bakinnyi bashyizwe hanze ku rutonde rw’agateganyo.

Ani Elijah yarangije umwaka w’imikino wa Shampiyona y’u Rwanda anganya na Victor Mbaoma wa APR FC ibitego 15 byatumye ari bo bari ku isonga mu gutsinda byinshi.

Uyu mukinnyi byavuzwe kenshi ko ari mu bazitabazwa n’ikipe y’igihugu agahabwa ubwene gihugu bw’u Rwanda dore ko nawe yabyitangarije; n’ubwo yaba FERWAFA ndetse na Minisiteri ya Siporo ntawigeze atangaza ibye.

titithierry421

Ibyerekeye Umwanditsi

Izindi nkuru yanditse

wasili’ umunyamakuru wa Rayon Sports akomeje gutangaza benshi kubera imyitwarire ye ku kibuga

Nyagatare: Umwanditsi w’urukiko n’umuhesha w’inkiko batawe muri yombi Bazira ruswa

Nyamasheke: RDF yihanganishije imiryango ifite abarashwe n’umusirikare wayo

Reba inkuru zose ze