Umuririmbyi ukomoka mu gihugu cy’uburundi Kidumu Kibido agiye gutanga ibyishimo bidacagase mu gitaramo cyiswe “Amore Valentine’s Gala”, azahuriramo n’abahanzi Nyarwnda barimo Ruti Joel na Alyn Sano.

Ni igitaramo kizaba ku munsi w’abakundana uzaba kuri uyu wa Gatanu wa tariki 14 Gashyantare 2025, umunsi uzwi nka ‘Saint Valentin’, kikazabera muri Camp Kigali.

Mu kiganiro n’abanyamakuru, Kidumu yatangaje ko abazitabira icyo gitaramo azabagerera ku nyota cyane abakundana.

Ati “Hari udukoryo twinshi, hari ibizatungurana, hari urwenya, hari n’ibindi bizigaragaza.”

Yakomeje agira ati “Ni umunsi wo kwerekana urukundo, yaba njyewe cyangwa wowe dushobora gusangira urukundo, amaraso n’umubiri.”

Kwinjira muri iki gitaramo biri mu byiciro binyuranye birimo nk’itike y’ibihumbi 20 Frw ndetse n’iy’ibihumbi 10 Frw. Harimo kandi itike y’ibihumbi 80 Frw ku bantu babiri bakundana, bazicara mu myanya y’icyubahiro.

Nanome kandi harimo itike izagura ibihumbi 300 Frw, ikazagurwa n’abantu batandatu bazicara ku meza amwe, bagahabwa icyo kurya no kunywa. Hari kandi itike ya miliyoni 1 Frw y’abantu batandatu, bazahabwa n’icyo kunywa no kurya.

titithierry421

Ibyerekeye Umwanditsi

Izindi nkuru yanditse

Gasabo: Akabari kahiye karakongoka

Byaherukaga muri 2023: APR FC na Rayon Sports zizahurira ku mukino wa nyuma w’igikombe cy’Amahoro

Gakenke: Abo muri Green Party bibukijwe guhashya no kurandura ingengabitekerezo ya Genocide ari umukoro wa buri wese

Reba inkuru zose ze