Perezida Paul Kagame yagiranye ibiganiro na mugenzi we uyobora Ubufaransa Emmanuel Macron baganira ku ngingo zitandukanye zirimo uko umubano hagati y’ibihugu byombi warushaho gutezwa imbere no mu zindi nzego.

Nk’uko byanditswe ku rukuta rwa Perezidansi y’u Rwanda, aba bombi banaganiriye ku mutekano muke uri mu Burasirazuba bwa Repubulika iharanira Demukarasi ya Congo, igice gituranye n’u Rwanda mu Burengerazuba bwarwo bushyira Amajyaruguru.

Perezida Kagame na mugenzi we bongeye gushimangira ko inzira y’ibiganiro bya politiki ari yo yonyine ishobora gushyira iherezo ku bibazo by’umutekano muke n’intambara bimaze imyaka myinshi mu Burasirazuba bwa Congo.

Kugeza ubu hari inzira ebyiri zigamije gukemura ikibazo cy’Uburasirazuba bwa Congo binyuze mu biganiro, birimo ibiganiro bya Luanda n’ibya Nairobi, byose bifite intego yo gufasha Congo kwishakamo ibisubizo ku bibazo by’umutekano ifite.

titithierry421

Ibyerekeye Umwanditsi

Izindi nkuru yanditse

Ubwato bwari butwaye abakabakaba 200 bwarohamye mu Kivu ku ruhande rwa Congo

Minisiter of Happiness yashinje umunyamakuru Anne Marie Niwemwiza guhubuka

Umuhanzi Valens NIZEYIMANA yasohoye indirimo ye ya mbere yise “Ni Mwiza” aho agaragaza ko yahuye n’Imana

Reba inkuru zose ze