Uyu rutahizamu w’imyaka 19 usatira anyuze ku mpande ni umuhungu wa Emeran Fritz Nkunsi wakiniye ikipe y’igihugu Amavubi nka myugariro wo ku ruhande rw’iburyo, akaba yarakiniye ikipe Amavubi hagati ya 2005 na 2007.

Noam Emeran winjiye muri Manchester United muri 2019, iyi kipe yatangaje ko yamaze kongera amasezerano azageza muri 2024 ariko ashobora kongerwaho undi mwaka umwe.
Bagize ati “Noam Emeran yamaze gusinya amasezerano mashya muri Manchester United azageza muri 2024 harimo ko hashobora kwiyongeraho umwaka umwe.”

Manchester United yavuze ko byatewe n’uko uyu musore ufite ubwenegihugu bw’u Bufaransha yagaragaeje kugenda atera imbere umunsi ku munsi kuva yagera muri iyi kipe.

Noam Emeran uvuka kuri Emeran Nkusi, yinjiye muri iyi kipe mu mpera za 2019, ntabwo yorohewe n’iminsi ye ya mbere ariko guhera mu mpera z’umwaka ushize yatangiye gufatisha ndetse aheruka no gutsinda igitego cyatumye Arsenal inganya na Manchester United Old Trafford.

Mu minsi yashize ishyirahamwe ry’umupira w’amaguru mu Rwanda ryagerageje kwegera se ngo abe yakumvisha umwana we kuba yaza gukinira Amavubi nk’uko yarukiniye ariko ibiganiro ntibyakunda, gusa amakuru ISIMBI yamenye ni uko bifashishije bamwe mu bahoze bakinira ikipe y’igihugu, bongeye kwegera uyu mugabo ngo abe yakwemerera umwana we gukinira Amavubi.

admin

Ibyerekeye Umwanditsi

Izindi nkuru yanditse

Uku niko guhindurirwa ubuzima naho ibindi ni amashyengo: Amagambo y’umugabo wahawe insimburangingo ku gitsina ngo ajye abasha gutera akabariro

Umudepite wo muri Leta Zunze Ubumwe z’Amerika yamaganiye kure abifuza ko Paul Rusesabagina wahamwe n’ibyaha by’iterabwoba yarekurwa

Ndarangisha icyangombwa cyubutaka cyarakaye 12/03/2022 Nyabugogo, i Kigali

Reba inkuru zose ze